شعر جميل للشهيدين ابانوب وبولا(من شهداء نجع حمادى)

مش هقول ياابانوب فقدناك ولا هقول يابولا خسرناك
لكن هقول وباعلى صوت كسبناك ايوه شهيد عند ربنا هناك

يمكن خسرنا ضحكة بولا الجميلة ومحبة ابانوب الكبيرة العظيمة
لكن كسبنا شهيد لية محبة كبيره عند فادينا يصلى لينا صلوه عظيمه

ياأم أبانوب افرحى ياام بولا افرحى
ابنك شهيد زغرطى وصلواته عنا اطلبى

ايوه عيونى بتبكى على الى راحو بدرى
بس برضه قلبى فرحان وحاسس بنعمة ربى

مش راح نطلب يارب الانتقام طالبين بس يارب السلام
قلوبنا مش متحمله الالام على ولادنا واخواتنا طالبين الامان

بس فين راح يكون السلام فى دنيا الشر ماليها والانتقام
القلوب اتحجرت مفيش ايمان خلااااااااااااص راح الامان

مش ناسيين كلامك لينا فى العالم هيكون فى ضيقه عظيمه
لكن واثقين فى غلبتك ليها راح تنتهى وتزول الضيقه

كان زمان مارجرجس ومارمينا وغيرهم تانين ومن فتره كان الكشح والعياط وعم امين
دلوقتى راجع تانى الاهات والانين
رجع بابانوب وبولا ومينا وبيشوى وايمن ورفيق وغيرهم مصابين

انه عدل يخلى طفل قاعد حزين او رضيع على كتف امه اصبح يتيم
ولا اخ فى ثانية يلاقى نفسة وحيد ولا ام تصبح تلاقى ابنها شهيد

كلامى كله متلخبط مش عارفه ليه ماهى المشاعر عندى بتتلخبط برضه ليه
مش عارفه اضحك ولا ابكى اسامح ياربى ولا اشكى

اقول كفايه بكا ودموع ولا اقول ابكى ده حق مشروع
ولا اعمل ايه ولا ايه ولا اتكتم ولا سأل ليه

مستنينك انت ياربى واثقين فى عملك ياالهى
دم ولادك عندك غالى واثقين فى ايدك يافادى

صلولنا كتير اوى احنا طبعا واكيد محتجين للصلاه الجميله والاكيد مقبوله منكم

مرمر