ليةةةةةةةةة يا يسوع سيبتنى ؟؟؟؟؟؟؟؟؟؟

سبتني ليه يا يسوع


سألت كتيرنفسي سيبتني ليه يا يسوع

وازاي تسمح ليأسي يسكن بين الضلوع

وأزاي اكون انا ليك وقلبي انا موجوع

تجارب العالم كويتني بنارها يا يسوع

مشتاق أشوف انا ايدك ترشدني للرجوع

يا بويا انا مستني بصرخة قلبي الموجوع

ودموعي بقيت علامه لضعفي يا يسوع

امسح لي دمع عيوني وأرويني من الينبوع

من غيرك انا تايهه في طريق من غير رجوع

يا رب ليه نسيتني دا انا ابنك وقلبي موجوع

وظنيت بأني وحدي وفضلت انادي ربي

وفاجأه جاني صوت وقالي مالك خايف يا ابني

وبكيت بحرقة قلبي هو انت فاكرني يا ربي

رد عليا وقالي ده ضعف ايمان يا أبني

انا واقف هنا جانبك من قبل ما تنده يا ابني

خوفك عدم ايمان وتعبك ملوش مكان

دا انت في قلبي مهما طال الزمان

دا انا سمحت لك بالتجربه وطلعت غلبان

تبكي وتقول انا سيبتك بقى دا اسمه كلام يا أنسان

أسيب ابني يدور في طواحين المكان

دا انا سميتك ابني ودعيتك ليا يا انسان

وكرمتك وأديتك نعمه الابدان

خليك فاكر يا بني لو دورت في أي مكان

ما تلاقي قلب يضمك غير قلب ابوك الحنان

ولو هاجت الدنيا حوليك انا واقف جنبك يا انسان

حياتك ليها عندي خطه اتقبلها بحب وأمان

دا انا مت بدالك انت واتحملت كل الهوان

وأخره تقول انا سيبتك عيب عليك يا انسان



من ابوك حبيبك....كلمه لكل قلب تعبان

ميرسي كتير رينا تحفه بجد