حوار مع ابانوب المحامى

واحد على الارض :ابانوب عامل ايه
ابانوب :انا الحمدلله مفيش بعد كده ماكانتش احلم باللى انا شايفه دلوقتى
واحد على الارض : انت زعلان انك استشهدت وانت لسة صغير زى مابيقولوا عندنا فى الارض ده لسة ملحقش يفرح؟
ابانوب : انا ازعل؟ بالعكس انا فرحان جدا وومبسوط ان رب المجد اختارنى فى الوقت ده ....هى الارض فيها ايه يتفرح بيه دى كلها حاجات مزيفة ومش بتدوم
محبة رب المجد هى اللى بتدوم وانا هنا بشوف رب المجد وامنا العدرا وكل القديسين وكل اللى استشهدو من قبلنا ومع اخواتى اللى استشهدوا ليلة العيد وهما كمان فرحانين زيى
واحد على الارض : تقدر تقولى شايف ايه
ابانوب:اقولك اللى قاله القديس بولس الرسول ما لم تراه عين ولم تسمع به أذن ولم يخطر على قلب بشر
واحد على الارض :طيب ياابانوب انت لما كنت معانا على الارض كان نفسك تطلع ايه
قاضى مثلا؟
ابانوب:لا علشان ممكن احكم على ناس مظلموين
واحد على الارض :وكيل نيابة ؟
ابانوب:لا علشان كنت ممكن اقدم واحد مظلوم للمحاكمة وهو برئ
واحد على الارض:حيريتنى ياابانوب امال كنت عاوز تطلع ايه ؟
ابانوب: كنت عاوز اطلع محامى بس بنعمة رب المجد اخترنى علشان ادافع عن المظلومين فى الارض وارفع قضاياهم امام عرش النعمة بس واكون معاهم دايما

صلولى كتير
مرمر