يامصر ياما فيكى بلاوى...

يامصر ياما فيكى بلاوى...
ومفيش أطبا بتداوى ...
من نجع حمادى قناوى...
أسمى العسكرى أيمن حامد...

جاتلى الأوامر فوريه...
آخد سلاحى الليله ديه...
ده عيد الميلاد عند الأقباط...
أحرسهم بروحى وبعنيه...

الساعه داخله على أتناشر...
والكل فرحان متبشر...
خارج من الكنيسه ومصلى...
جانا رصاص جبان غادر...

النار ماكانتش بتختار...
بين حامد وبين مايكل وجوزيف...
لكن الفضيحه وشيل العار...
كشفوا النفاق والتزييف...

لشهيد رفح مصر بتحزن...
وماسمعنا كلمه عشان أيمن...
ولاجنازه للشهداء...
أبانوب كمال مع بولا عاطف...
أيمن زكريا وبيشوى فريد...
رفيق رفعت ومينا حلمى...
بالسبعه يا مصرأكتمل الحزن ...


قالوا على الأحساس نعمه...
تشعر ولو كنت كفيف أعمى ...
ولادنا جميعا سواسيه...
دمهم مش لعبه سياسيه...
دول شهدا لهم حق علينا...
دم الشهيد هتزايدوا عليه...
أتكسفوا ياولاد الهرمه

صلولى كتير
مرمر