كان نفسه يشبع منهــا

غادر الاوطان
* بالأمسِِ كان فى حضنها
يلعب ويجرى يضمهــــــا
وتقعّده على حجرهـــــــا
وترضّعه من حُبهـــــــــا
*واليوم رحل لربهـــــا
من غير حتى مايقولهـا
ترك حنانها وأرضهـــا
كان نفسه يشبع منهــا
* لكن خلاص وقته انتهى
على ترابه وقلبهــــــــــا
وكان صُغَيّر وقتهــــــــــا
لما المسيح ليه اشتهــــى
*لمّا طلع لأرضهـــــــا
السما اللى... حبّهـــــــــا
احتار ساعتها وقتهـــا
فى شرحها فى وصفها
* والأم تحضن بنتهـا
والحزن يكوى قلبهــا
تحكى معاها لعلهــــــا
تنسى الآمها وجرحها
* قصة بطلها ابنهـــا
والدمع يحفر خدهـــا
تحضن هدومه بقلبها
والدم ينزف منهــــــا
* تجرى على صورته تضمّها
وتكلّــــــــــــــــمه إكمنّهــــــــا
الحرقّة مالية قلبهــــــــــــــــا
والحزن ساد على أرضهـــــا
* دا ماكانش بس ابنها
دا كان أخوها واختهــا
وكان أبوها وأمهـــــــا
هوُّ حياتها كلهــــــــــــا
*دا وردة حب تشمّهـا
وزهرة عطر ترشهــا
وشمعة تنوّر ضلّهــــا
سماها وكمان أرضها
* كان ابنها وحلمهــــا
كان هو ابن عمرهــــا
كانت بتحلم وقتهــــــــا
يكون ظابط فى أرضها
*يأخد حقوقها كلهـــا
يصون ودادها وحبها
والفرحة تسكن قلبها
والحزن يبعد عنهــــا
* لكن هناك على أرضها
سلم حياته لربهــــــــــــــا
والأم ذرفت دمعهـــــــــــا
على وحيدها ابنهـــــــــــا
* والفرح ولّى وانتهـــى
والحزن بان على وشها
والعالم كله لأجلهـــــــــا
بكى حباً فى ابنهـــــــــــا
*على الملا الناس كلها
صرخت بحرقة لربهــــا
وقفت حزينة لأجلهــــــا
ودمّعت لحزنهـــــــــــــا
*نجع حمادى يا بختهــــا
الفادى لقلبها اشتهــــــى
مع الشهداء فوق ضمّها
والعالم كله حبّهــــــــــــا

صلولى كتير
مرمر