انــــــــت ميـــــــــن عرفنـــــــا بيك؟؟؟؟؟؟؟؟؟؟

خنقة وشروط وقيود. ياناس خلاص هنطق هنموت. نيجي نروح الكنيسة يقولك لأ.... إبليس محترم. إتحشم يعني بلاش قصير ولا وسط ساقط ولا مكيا? ولا روشنة.. ده بيت ربنا. فاكر نفسك خارج مع أصحابك تتفسح؟؟؟!!! يااااادي الهنا.

بلاش سجاير جوه الكنيسة اطلع دخنها بره الباب، وأنت في الكنيسة يكون تفكيرك مقدس بس في مخدعك فكّر براحتك وإحلم زي ما إنت عايز، إسرق في شغلك ما هو السوق كده. بس ادفع العشور عشان الغلبانين وعشان لازم تكون أمين

يعني بإختصار في الكنيسة تعبد الله وبره تعبد المال وتنقد المؤمنين، إعرف بنات وإغلط بس المهم تعترف وتتوب. وإنتي إعرفي شباب عيشي يومينك المهم محدش يعرف وصلّي قبل ما تنامي وأقري الإنجيل.

وسط أصحابك سب وإلعن. بس عارف تغفر ولا تخضع لربنا؟؟، مش مهم أحضر إجتماع طالما فيه سبوبة أكسب منها قرشين، أيه يعني لما أستغل الخدمة عشان أتشهر أو آكل عيش. ويقولولك كده كلام كبير قال أيه بيتاجر ف هيكل ربنا!!!!

ولما أعامل أهلي بأسوأ معاملة لأنهم يستهلوا. يقولوا عليا بكسر كلام ربنا. ياااااه..... الواحد إتفك شوية لما إتكلم وفضفض..... ولا إنت أيه رأيك..؟!

آه..آه.. مظبـوط هي فعـلاَ خنقـة بس بزمتـك مش حـاسس إنـك بقـيت مقسـوم إتنيـن؟!!

وبتفكر ف إتجاهين؟!! ومتشتت وضايع مش عارف جاي منين ولا رايح علي فين؟!!، أنا معاك إنها حاجة تحّير. بس عارف ليه؟؟؟ لأنك عايش بوشين. وش مع ربنا.. بس ياتري التاني مع ميـن؟؟

طبعاً لازم تكون تايه ومهزوز ومش ثابت، خليني أقولك نصيحة.. إختار طريق من الأتنين وإثبت فيه يا الشر والروشنة. والسيجارة والكلام مع البنات والنميمة والكُره والعادات، وتكون عارف طريقك ومقررة لا تحتار ولا تغيره. بس أوعي تقول ف يوم أنا رايح السما.... صحيح ماحدش شايف تصرفاتك مننا.

يا إما بقي تختار طريق السما ولو قررت تكمل معاه ها تضطر تستغني عن حاجات من وجهة نظرك هي أغلي حاجات ف حياتك عشان ترضيه. ولو إبليس أقنعك إنه صعب تعدل حياتك و أزاي هّا تغير عاداتك و أزاي بعد الشر ده كله هيغفرلك سيئاتك.. ما تبصش عليه ولا تفكر ترجع ليه. أمسك باللي حبك رغم عن كل الخطايا اللي فيك واللي وعده ليك اليوم إنك هاتكون معاه رغم كل العيوب اللي فيك.. عايز نصحتي ليك؟؟ أحتمي فيه وصدق إنه قادر يقودك ويغير حياتك. وقرر من دلوقتي تعيش يا إما لقلبك.. أو يا إما لربك.. وإلغي من دماغك المثل اللي بيقول "ساعة لقلبك وساعة ربك" و نصيحة الكتاب ليك "إن القلب نجيس وشرير بطبيعة ويؤدي في داهية ودايماً آخرته ضلمه"

أه.. نسيت أعرفك بنفسي؟؟؟

أنا بس مجرد كلمة بسيطة من ربنا ليك وكل ما تحب تسمعني هاتلاقيني بتكلم ليك

الله موضوع رائع ميرسى ليكى وربنا يعوض تعبك

بصى هو بجد موضوع جامد اخر حاجه فعلا جميل اوي
بس صدقينى المثل اللي بيقول ساعه لربك ودقه لقلبك ده فعلا صح مش غلط لانك عمرك ما هتلاقي مخلوق في الدنيا عايش حياته كلها صلاه وصوم وفي الكنيسه علطول غير طبعا المؤمنين وكده يعني وليه لما تكون حاجه في حياتك تعباكي ومبعداكي عن ربنا ماتناقشيش اب اعترافك فيها احكيله وهو هيريحك اوى يمكن اللي انتي فيه مش غلط ولا حاجه بس عايزه حد جمبك ويساعدك مش اكتر وبجد حتي لو عملنا ايه مستحيل هنبعد عن مشاعرنا هي مش غلط بس تكون بحدود
يا ريت اعرف رايكم في كلامي صح ولا غلط ولو غلط نتناقش فيه

معلش بجد رغيت كتير اوى وانتى اكيد طبعا زهقتي معلش معلش mgu

بس بجد موضوع جاااااااامد

هو كلامك مش غلط لان فعلا مفيش انسان كامل على الارض مفيش حد كامل غير ربنا يسوع المسيح
هو فعلا الموضوع لازم فية حدود
وطبعا مش قصدى انك تبعد عن ربنا خالص وتقول ماانا كلى خطايا ومفيش انسان كامل
فى جملة انا مش فاهمها يامرمر فى كلامك يعنى اية مش هتلاقى حد عايش يصلى ويصوم غير المؤمنين
اية مؤمنين دى ؟
احنا كلنا طبعا مؤمنين بالمسيح
يعنى مفيش حاجة اسمها مؤمن وانسان عادى فى المسيحية احنا كلنا مؤمنين بالسيد المسيح
بس فى انسان عايش لربنا وفى انسان عايش لقلبة
انــــــــت ميـــــــــن عرفنـــــــا بيك؟؟؟؟؟؟؟؟؟؟ 642452

انــــــــت ميـــــــــن عرفنـــــــا بيك؟؟؟؟؟؟؟؟؟؟ 642452

سورى بجد طولت عليكوا وياريت انا كمان لو فية غلط فى كلامى يارت كلنا نتناقش مع بعض
تسلم ايدك بجد الموضوع رووووووووووووعة وربنا يبارك حياتك