نبض اقباط نجع حمادي

نبضى بين ضلوعى بينادى
وامهات حزاني مكتوفي الايادى
ودماء مهدوره علي الاراضي
وصوت صارخ من كنيسة الفادي
فين ثمن دم شهداء نجع حمادى؟

صرخات ودموع كتيره
وطلقات طايشه من قلوب ملياها الغيرة
ملو الشوارع بدم طاهر لملايكه بريئه
يا دم اتكلم واحكي
يا ام في كل بيت نوحي وابكى
يا كل مسيحي للرب اشكي
يا انبا كيرلس....ساكت لي.....؟
مش دول ولادك ولا ايه....؟
اتكلم واصرخ دا احنا حقنا ضايع يمكن حد يلاقيه..
العدل ميزانه مكسور
والدم نشف عالجسور
وولادنا عيدوا العيد في القبور
ولو قلنا يا اقباط يلا نثور
بنادقهم يصوبوها علينا في الصدور

سمعت صرخه من الدم عالاسفلت
بتقول هاتولي حقي انا اتقتلت
ملاك في ليلة العيد وايه بس انا عملت...؟
بهدومي الجديده صايم ولسه ماكلت
قتلنا بالسلاح
الظالم السفاح
سرق منا الافراح
وسابلنا الجراح
امي بتصرخ سكتوها
طالعين من ليلة العيد ولسه ما عيدوها
الحلاوه واللحمه لسه ماكلوها
حتي العيديه لسه ماخدوها
هدومهم الجديده بالرصاص مزعوها
والفرحه في قلوبهم خنقوها
ومنين نجيب الصبر علي براءه قتلوها؟؟؟

كنت ناوي عليها يا خسيس
كموني اسمك ولا ابليس؟
قتلت الملايكه بالرصاص
يا خالي من كل قلب واحساس؟
رب الجنود ينتقم منك
ويحرمك من اعز غالي عندك
وفي النار يرميك
ليوم الدين تاكل فيك

يا ملايكه من غير جناحات
وصلتوالفردوس في لحظات
بنصلي لرب السموات
يصبر كل الامهات
وينجينا من الاضطهادات
دا احنا حملان عايشين وسط غابات

العدرا تجلت
وفي نجح حمادي وبهجوره هلت
هما ولعوا النار لكن هه جات وطفت
جايه بنفسها تطمنا
وتثبت ايمانا في نفوسنا
جايه العدرا تعزينا
وعلي الشدايد تقوينا
فرحانه بشهدائنا
وحزينه علي اضطهادتنا
فرحتنا بالعدرا نستنا
اننا ضحايا حتي واحنا في بيوتنا
يا رب يسوع قوينا
وابعد بنادقهم عنينا
مسحيين احنا مهما شفنا
وهندافع عن دينا لاخر انفاسنا

تأليف : ناهد فاروق شاروبيم

صلولى كتير

مرمر