+شايل الصليب عشانى++

شايل الصليب عشانى
مستحمل الالم ولا بتعانى
حابس جواك صرخة صعبة على ودانى
رضيت بالالم لنفسك مع انى انا الجانى

تلاتين جلدة جلدوك
وغرسوا فى راسك الشوك
وعلى وشك اهانوك
ولسة بتطلب لهم الرحمة من ابوك
دا حتى اصحابك خانوك
وبتلاتين من الفضة باعوك
عطشت من الخل سقوك
وبالحربة فى جنبك طعنوك
حاولوا بكل الطرق يذلوك
وانت يا ربى ملك الملوك

يا الهى سامحنا على خطايانا
تايهين وهموم الدنيا ملاهيانا
استحملت عشانا الام ياما
ورفعتنا لأعلى مكانة

قوليلى :
احساسك كان اية يا عدرا
فى ساعة الصلب المرة
وازاى استحملتى تشوفى ابنك
اللى هو حتة منك؟؟؟؟؟
اكيد الحربة اللى طعنت جنبه
قبل منه طعنت قلبك
زى ما عظيمة تضحيته عشانا
عظيمة هى تضحيتك بابنك
ربنا اتألم واتصلب وفدانا
وانتى ضحيتى بأغلا ما عندك

الهنا اله قدوس
فخر ونصرة لكل النفوس
فرحنا بقيامته العظيمة
واخرجنا من الظلمة الاليمة
وجعل لنا مكان فالملكوت
بعد ما كان مصيرنا الموت
كلماتك: ناهد فاروق شاروبيم

صلولى كتير
مرمر