قوم يا ماجد وافتكر

من لا يتعجب من محبتك
ايها المسيح شمس الافراح
وينبوع العون

الشيخ الروحاني

اسمي موسي ابراهيم
وساكن في مدينه السلام
اسره صغيره
تتكون مني انا ووزوجتي
وابننا ماجد
في يوم وانا راجع من شغلي
وده كان يوم 1997/11/28
اخبرني الجيران
ان ابني ماجد وكان عنده وقتها 13 سنه
وهوه بيلعب مع اصحابه
في المدرسه حصلت له اصابه
ونقلوه لمستشفي الدمرداش
روحت علي المستشفي انا ووالدته
وهناك كانت الصدمه
ابننا الوحيد
ماجد
عنده شلل نصفي
وفقدان للذاكره
الاطباء اجروا ليه تحاليل واشعه
وخرج من المستشفي بعد 3 ايام
دون اي تحسن
روحنا بيه البيت وقعدنا هناك لمده
يوم
فقررنا انا ووالدته نروح بيه مستشفي
التامين الصحي التابع لها
هناك عملوله اشعه علي الصدر
واشعه مقطعيه للمخ
وكان طول الفتره دي
فاقد للذاكره تماما
لا يستطيع التعرف علي اي فرد
حتي انا وامه
ولا حتي اصحابه
قعدنا في مستشفي التامين

سبعه ايام من غير اي تحسن
فكتبولنا علي خروج
في الفتره دي جه يزور ماجد
خدام التربيه الكنسيه
بكنيسه السيده العذراء
ارض الجولف
وقلولنا انهم حجزوا لماجد
عند الدكتور عقيل يوسف
فصليت انا ووالدته وجبنا زيت
الشهيد ابو سيفين
ودهناه بيه قبل ما يروح للدكتور
روحت دير الشهيد العظيم
ابو سيفين صليت هناك
وطلبت من ربنا
انه يتمجد مع ابني ماجد
ويشفيه ببركه صلوات
الشهيد
العظيم ابو سيفين
ورجعت البيت وكان معاياه ماء لقان
وزيت للشهيد ابو سيفين
كنت بدهن بيه ماجد باستمرار
الاطباء قرروا ان ماجد
يقعد باستمرار في غرفه مظلمه
وما كانش بيقدر يتحرك خالص
كنت بشيله عشان اوديه الحمام
ووالدته كانت بتاكله بنفسها
كان منظره بيمزق قلبي
انا ووالدته
ابننا الوحيد
قاعد علي كرسي
متحرك
مشلول
ومش عارفنا
فاقد لذاكرته
كان منظره بيمزق قلبي
كاي اب بيحب ابنه
وعايز يشوفه سليم
بصحه كويسه
مكنتش ببطل صلاه بدموع وصراخ
من اجل ان الرب يمد ايده ويتحنن علينا
ويشفي ابننا الوحيد
الي ان الدكاتره احتاروا في علاجه
بس انا كان عندي ايمان ورجاء
وثقه في قدره ربنا
وان
الغير مستطاع عند الناس
مستطاع لديه
لو 18 : 27
وفي يوم 1997/12/28
لما رجعت من الشغل
كانت المفاجاه
لقيت ابني ماجد
واقف علي باب الشقه
في انتظاري ويقولي
يا بابا
انا خفيت
جريت عليه وانا فرحان
حضنته
كان بيتحرك
وبيضحك
وعارف كل واحد فينا
باسمه
اتعرف علي اصحابه
وخدام
التربيه الكنسيه
قلتله احكيلي يا ماجد
ايه الي حصل ؟
قالي
انا كنت نايم
والغرفه كانت مظلمه
لقيت صوره شخص
ماسك سيفين
عباره عن نور في نور
وقال لي
باسم رب الجنود قوم يا ماجد وافتكر كل حاجه
لقيت نفسي قادر اتحرك واتكلم
فقلت لماجد تعالي نعمل
تمجيد شكر لربنا وتمجيد
للشهيد ابو سيفين
ولما جه خدام التربيه الكنسيه
قدموا لماجد 3 صور
واحده
للقديس اباسخيرون القليني

والتانيه
للشهيد مار جرجس

والثالثه
للشهيد ابو سيفين

فاختار ماجد الصوره الثالثه
صوره الشهيد ابو سيفين
وقالنا ده الشهيد
ابو سيفين الي شوفته
في غرفتي
شكرنا جميعا الله وشهيده
ابوسيفين
وروحت الدير انا وماجد
عشان نسجل المعجزه
لنخبر كيف عظم الرب
الصنيع معنا وفرح قلوبنا

صلولى كتير

مـــرمـــر

ميرسى مرمر المعجزة جميلة جدا بركة ابو سفين تكون معنا جميعا

تسلم ايديك مرمر وربنا يعوض تعب محبتك[i]

ميرسي يا جميل علي مرورك نورتي بجد ويا رب تكون المعجزه عجبتك

ميرسى مرمر موضع هايل تسلم ايدك وربنا معاكى

ميرسي كوكى نورتي الموضوع يا قمر

ميرسي مرمر ربنا يعوض تعب محبتك قوم يا ماجد وافتكر 49989

العفو ماري نورتى الموضوع يا قمر