عرفت غلطتى .. ارجوك ادينى فرصة تانى ...

كنت فى يوم تعبااااااااااااااان وحزين حاسس ان ربنا سايبنى ومحدش حاسس بيا وكنت متخيل ان انا بس اللى تعبان وكمان محدش عنده صليب زى صليبى
فصرخت وقلتله انا تعبان يارب وصليبى تقيل عليا اووووووووووووووى
رد وقاللى
من أراد أن يتبعنى فليزهد فى نفسه ويحمل صليبه ويتبعنى

قلتله طيب يارب أنا موافق ان اشيل الصليب طالما هكون معاك
وفعلاً شلت صليبى ومشيت بيه

وانا فى الطريق اكتشفت ان فى ناس كتييييييييير جدا شايلين صلبان مش انا بس زى ماكنت متخيل وكمان صليبى انا اصغر منهم بكتير وانا اللى كنت فاكر ان مفيش حد حمله والمه زيى


لكن وسط الطريق تعبت وصرخت مش قاااااااااااااااااادر اكمل ياربى صليبى تقيل اوى مش قادر
ممكن اشيل منه حته علشان اقدر اكمل
وفعلاً عملت كدة

مشيت شوية كمان لكن برضه ضعفت ومقدرتش اكمل
واشتكيت لربنا من تقل صليبى وطلبت منه اشيل جزء كمان وفعلاً عملت كدة واتخليت عن جزء تانى من صليبى

برغم ان كل اللى حواليا كانوا شايلين الصليب بدون شكوى او تذمر لكن انا مكنتش قادر اكون زيهم

وكملت طريقى وأنا شايل صليبى
لكن وفجأة.................
قابلنى فى الطريق فجوة كبيييييييييرة جداً ومكنتش عارف هتصرف ازاى
وقلت استنى اشوف الناس اللى معايا هيعملوا ايه


وكانت المفاجأة الأكبر...



طيب وأنا اعمل زيهم


ياااااااااااااااااااااااااااااااه ياربى صليبى قصير مش هيعدينى
اه ه ه ه يارب ساعدنى
ياريتنى يارب كنت قبلت امشى بصليبى ولا اتنازلش عنه واطلب منك تاخد منه
يريتنى يارب كنت رضيت بصليبى اللى انت وهبتهولى ومشيت بيه بفرح من غير شكوى
دلوقتى بس ياربى عرفت انك مش بتدينى حاجة لتعبى ابداً كل اللى من ايدك ياربى جميل وحلو وانت بتديهولى لخير ليا انا مش شايفه دلوقتى لكن اكيد هيبان بعدين
حتى ان كنت انا شايفه غير كدة دة لان فكرى محدود وضعيف يارب انى اشوف محبتك ليا الغير محدودة وقلبك الكبير

صليبى يارب ممكن يكون فشل مؤقت فى دراستى
ممكن يكون انى افقد شخص عزيز عليا
ممكن يكون عدم توفيق فى شغلى
ممكن يكون فشل فى أرتباطى بشخص اخترته
ممكن يكون مرض او تعب
ممكن يكون يارب حاجات كتييييييييييير اوى
دلوقتى بس يارب فهمت ليه بتعمل كدة معايا
انت اكيد مجهزلى الافضل واكيد مرتب حياتى بشكل أجمل وكل اللى بيحصلى دة بإرادتك وانت شايف انه لمصلحتى اذن فلتكن ارادتك
انا دلوقت يارب عرفت ان بدون الصليب مش هقدر اكمل ولا اعدى
مش هقدر اعبر لسماك واعيش وياك

انا رفضت الصليب قبل كدة يارب واشتكيت

لكن دلوقتى انا فهمت وعرفت
وبطلب منك ياربى بكامل ارادتى ادينى يارب الصليب اللى انت شايف انه يناسبنى وانا متأكدة انك مش هتدينى فوق طاقتى
وكمان هتكون معايا وتسندنى ولا يمكن يوم هتسيبنى
ممكن يارب تدينى فرصة تاااااانى