ازاى الحب يكمل يمشى صح ويوصل للارتباط ؟؟

أيه المسموح بيه وإزاي ممكن نبني علاقة صح، أيه دور الاحترام وإزاي ممكن نبنيه ونحافظ عليه.

هنتكلم على 15 حاجة تساعد على بناء علاقة حب صح :

1 – متخلوش العلاقة تتطور بسرعة زيادة عن اللزوم. علاقات الحب اللي بتبدأ على الرابع غالباً بتفشل.

امشوا في العلاقة واحدة واحدة.

2 – ما تشاركوش مع بعض عيوبكم وضعفاتكم ومشاكلكم الشخصية في أول العلاقة. ليه؟ لأن الطرف الآخر بيستخدمها ضدك مع أول سوء تفاهم وصدقوني هيحصل سوء تفاهم.

3 – افتكروا على طول إن الاحترام بيسبق الحب. ابنوا الاحترام بينكم شوية بشوية.

4 – ما تتصلش بالطرف التاني كتير وماتسيبلوش الفرصة إنه يزهق منك.

5 – متعبرش / متعبريش عن رغبتك في الارتباط بسرعة حتى لو كنت متأكد/ه إنه الشخصية المناسبة. لازم الآخر يحس بنفس الشيء.

6 – خلوا بالكم أوي إن في كتير من الأوقات الطرف التاني بيحاول يمتحن العلاقة وده ممكن ياخد أشكال كتير. مثلاً تلاقي الآخر تراجع شوية عن العلاقة، أو افتعل خناقة غبية. ممكن يمر أسبوعين من غير ما الآخر يتصل. ممكن حتى يحاول يثير غيرتك بأنه/ إنها يغازل شخص تاني.

في كل مرة بيحصل حاجة كدا خليك/ خليكي تقيل.. ليه؟ لأن الآخر في الحالة دي عايز يعرف هل أنا حر إني أسيب العلاقة وقت ما أعوز ولا لأ. أوعوا في الحالة دي تتمسكوا بالطرف التاني أو تطلبوا منه يرجع. يا ما ناس عاشوا طول عمرهم من غير ما يرتبطوا بسبب إنهم معرفوش يتقلوا وقت الامتحان.

7 – معظم العلاقات اللي بتستمر أكتر من سنة وبتبقى ماشية ناحية الارتباط، بتواجه الامتحان الأعظم : واحد من الطرفين بيقرر ينهي العلاقة. الشخص المرفوض محتاج في الوقت دا يعرف إن طريقة معالجته للموقف هي اللي هتحدد مستقبل العلاقة وفي أوقات كتيره بيتصالحوا أو بيتجوزوا. لو ماحصلش مهما اتذللت أو اترجيت الآخر إنه يرجع لك مش هيحصل فمتهينش نفسك.

8 – بلاش تعتمدوا على بعض 100% في تسديد احتياجات بعض العاطفية لازم يبقى لكل واحد منكم اهتمامات وهوايات أخرى.

9 – احذر الأنانية في العلاقة. مينفعش التضحية تكون من طرف واحد بس. مره سبت بنت كنت هرتبط بيها لأنها كانت متوقعة إني أعزمها في أماكن غالية واشتريلها ورد وأسدد احتياجاتها كلها وهيا محاولتش تعمل أي حاجة ليا.

10 – فتحوا عنيكم عشان تشوفوا علامات الخطر اللي مينفعش ترتبطوا لو كانت موجودة زي الخيانة، الغضب، عدم الالتزام الروحي، تعاطي الكحوليات أو المخدرات، الأنانية.........

محدش بيتغير بعد الجواز، صدقوني الوحدة طول العمر أحسن مليون مرة من جواز فاشل.

11 – احترموا بعض من أول العلاقة وتوقع إن الآخر يحترمك. الراجل لازم يفتح الباب للست والست لازم تعامل الراجل باحترام خصوصاً قدام الناس لو مكنش دا موجود من الأول هيبقى مستحيل يتبني بعد الجواز.

12 - أوعى تحسس الآخر إن قيمته جاية من شكله الخارجي. متطلبش من الآخر إنه يكون كامل وإلا هو هيطالبك بنفس الشيء والشكل الخارجي بيتغير بسرعة.

13 – لو مكنتوش لقيتوا الحب الحقيقي لحد النهاردة متقولوش (عمر ما حد هيحبني) ده فخ ممكن يدمرك. في ملايين الناس بتدور على حد تحبه المهم إنكم تلاقوه.

14 – حتى لو كانت علاقتكم ناجحة جداً واتفقتم على الجواز لازم تكونوا عارفين عيوب بعض، توقعاتكم من بعض واختلافاتكم. يا ما ناس بترتبط من غير ما يعرفوا الحاجات دي فينتج عنها مشاكل رهيبة بعد الارتباط.

15 – تجنبوا العلاقات الجنسية. الراجل مش بيحترم الست السهلة والست مش بتحترم الراجل اللي مفيش في دماغه غير حاجة واحدة. اتعلموا تقولوا "لأ".

وعاوزة اعرف رايكم فى الكلام ده ولو عندكم تعليق على حاجة منه اكتبوه ولو عندكم نصايح تانية ياريت نتشارك

واااااااااااااااااااااااااااااااااااااااااااااااااااااااااااو بجد كل الكلام دا صح وجميل
تسلم ايدك ياقمر على الموضوع الرائع المفيييد دا

ربنا يبارك حياتك ويعوض تعب محبتك ازاى الحب يكمل يمشى صح ويوصل للارتباط ؟؟ 223103

ازاى الحب يكمل يمشى صح ويوصل للارتباط ؟؟ 223103

ههههههههههههههههههههههه

ههههههههههههههههههههههه

» ازاى نقدر ننسى نجع حمادى ؟؟؟
» ازاى تبقـــــــا 2010 مختلفة بالنسبـة ليك ..
» شعر فى الحب
» شعر فى الحب
» ما هو الحب ؟؟؟؟