نقطه من اول السطر

نقطة من اول السطر



صحيت من نومى على الجملة دى
...قالهالى وانا حاسس ايدة بتطبطب عليا ..مش
كدة وبس لا..........
دة انا كمان كنت شايف عينية فيها كل الحب والحنية عليا وكانو اربع كلمات زلزلتنى
. مع انى بصحى من نومى بالطريقة دى لكن المرة دى كانت كتير مختلفة جايز علشان كنت خلاص وصلت مرحلة صعبة فى حياتى من الاحساس بالياس ..واد اية كانت صعبانة عليا نفسى من كل اللى حصل معايا..


لكن فى وقت دة خلينى فى مكانى زى ما انا لكن قعدت على السرير وضهرى مسنود على الحيطة وبصيت قدامى كانى شايف كانى بكلم حد قصادى واقف معايا وبيكلمى


قلتلة


... ودموعى كانت بتتكلم قبل منى .. (لية كل دة اية اللى حصل منى علشان اوصل للنتجية دى اخسر حاجات كتيرة بالشكل الصعب دة انا طلبتك وقلتلك خليك معايا ... لية سبتنى لوحدى؟؟
دا انا كنت بقول انك شفاء المشاعر الجريحة يبقى معقول انك تسمح بجرحى مع انى كنت معاك ومزعلتكش ؟؟
كتير كنت حاسك معايا وراضى عنى .. ومحسيتش فى لحظة انك مش معايا او انى ماشى فى طريق مش بتاعى
لية مقلتليش كنت لية !! كنت لفت نظرى وعرفنى انى كنت ماشى فى طريق غلط وعايز حاجة مش بتاعتي



قاللى


!!



كل الاسئلة دى ليا انا
!!!


قولتة


ايوة ....



قاللى


. لكن مسالتش نفسك هو الطريق صح ولا غلط !!



محاولتش تجاوب عنى كتير كنت بكلمك وبتسمع
..كنت بعلمك وبشاورلك وانت كنت بتفهم الدرس بسرعة



قلتلة


....ايوة بس المرة دى كنت انت فين وانت سبتنى لوحدي فى الطريق دة غرقت فجاة ومشفتكش بتمدلى ايدك ابدا



قاللى


...انت مشوفتنيش علشان مكنتش عايز تشوفنى ومفكرتش انك تدور على ايدى وتمسكنى زى يعقوب ماعمل معايا وقاللى(لا اطلقك ان تباركنى)انت كنت مبسوط وفرحان بنفسك بالمرحلة اللى انت وصلتلها بذاتك ومجهودك معتمد على الاخرين
اين انا ؟؟؟
صحيح طلبتنى فى الصلاة لكن كتير كنت مستجعل وعايز تنام ومش مستنى تسمع رايى ..
مكنش عندك وقت تاخد منى النصيحة
.. ولا فكرت انك تسلملى الموضوع
اللى تعبك... دة غير بعد ما حسيت ان كل حاجة بتضيع من ايدك



وقاللى


كمان
يا حبيبى انا مش بعدلك غلطاتك ..ولا كنت واقف لك على الواحدة لاء
كلامى دة معناة انى فاكر لك اخطائك .. لكن افهم بالروح معنى كلامى .... انا بشاورلك على اللى انت عملتة هدفى انى متقعش فى تانى....


انا كنت حاسس


وهو بيكلمنى كنت شايف زى شريط سينما قدامى
..
فيلم فية كل الاحداث اللى مرت بيا وكان كل ما يحكى لى اكتر كان بيشاورلى
على اخطائى فى فيلم اللى قدامى
..
وكانة بيقولى
)هاااااا افتكرت....
كنت قاعد ومش عارف اتكلم وهتكلم اقول اية
!!


قاللى


يا حبيبى .. عايزك تعرف انك ابنى.. وغالى عندى اوى .. وميهونش عليا اسيبك ..



انت صحيح موصلتش للي انت عايزة وبتقول انك خسرت لكن لاء
..لاء
انت وصلت للى انا عايزة .. واللى انا عايزة دة لمصلحتك انت ودة مكسب مش خسارة
ولو لسة حاسس انك خسرت تبقى خسرت حاجة كانت هتتعبك بعدين ...
علشان كدا فكر وشوف ان كان دة مكسب ولا خسارة ؟؟
انا لما بعمل
.. بعمل للخير ومتنساش ان وعدى ليك



"


اعلمك وارشدك الطريق التى تسلكها "
"لان كل الاشياء تعمل معا للخير للذين يحبون الله"

"الاباء بيقولو الله يعطيك ما ينفعك وليس ما تطلبة "



عارف يعنى اية الكلام دة
ومش انت اللى بتحبنى بس
.. لآ دة انا كمان بحبك وبخاف عليك
انت حتة منى
افهم الدرس اللى فات دة واحفظة كويس وتعال نبدا مع بعض سنة جديدة



نقطة من اول السطر


انا

,,, كنت بسمع الكلام دة وانا مكسوف من نفسى ... علشان كان عارف كل اللى مريت بية .. وانا خلاص تعبت وسلمت كل حاجة جوايا للياس والاحباط



وهدفى هو انة يصنع منى قلب جديد لكن المشكلة دلوقتى؟؟

هقدر ازاى انسى الاساء والجرح والخسارة اللى تعبونى؟؟

هقدر ازاى اسيب نفسى فى ايدة علشان يشفى مشاعرى ؟؟

هقدار انسى كل خطية عشت فيها ؟؟

لاء انا لازم انسى وابدا من جديد
دة درس جديد درس باين انة صعب لكن بالمحاولة
والتركيز بدات افهم واستوعب اللى حصل
وبدات انسى الماضى وكل ما فية وكل الياس
لكن ايوة مش هنسى ابدا سنة جديدة
. هبدا حياة جديدة فيها . حب . سلام . بساطة . توبة .. اعتراف ... تناول
. صلاة . فرح . صبر . حفظ كلامة
ايوة انا هبدا وهو معايا مش هخاف من اى حد ....
(هأنذا قد جعلت امامك بابا مفتوحأ ولا يستطيع أحد أن يغلقة)

دى قصة حقيقية بجد
الصراحه انا لما قريت القصه دى كان موجود من تحت انها قصه حقيقيه بس انا معفش بقي حقيقيه بجد ولا لا
بس طبعا مفيش حاجه صعبه عن يسوع واكيد حقيقيه

وربنا معاكم كلكم

وتصلولى كتير

مرمر